توحد

مواقف طريفة لطفلة #توحد



مرة كنا في زيارة لطبيب في مستشفى الفناتير وكنت أنا وامي واختي طبعا في المستشفيات ما تقصر قمة في الهبال الصغيرة هذه والصياح ما نصدق ندخل على الدكتور ونخلص . جاء دورنا دخلنا على الدكتور وبدأت أمي تتكلم مع الدكتور على حالة نجلاء وأنا ألعب مع أختي مصارعة مو راضيه تهدئ تبي تطلع ما تبي تجلس المهم بحركة من يدها وبكل قوة عطتني كف على وجهي وكسرة نظارتي . يوم شافتها انكسرت خافت وسكتت تحسبني بضربها لكن خليتها . الدكتور لاحظ انها كسرت نظارتي وشاف تصرفي معها قام يمدح ويقول دائما وابدا لازم تكونون طويلين بال عليها وتتحملها قدر ما تقدرون .. وأنا محروق منها والعصبية والضرب مو من طبعي .

*بعض الأحيان اذا ما احد شغل لها التلفزيون تقوم تدور في البيت احد يشغل لها التلفزيون اذا حصلت أختي الكبيرة وعطتها الجهاز يعني افهمي ابيك تشغلين لي التلفزيون، اذا كان الرد بالرفض تأخذ الجهاز وتحاول تضربها في رأسها وتنحاش ….. أكثر من مره سوتها فيني وفي أبوي . لكن وش نسوي نتحملها ..

*دائما تضعنا في مواقف محرجة خاصة في المطارات الدولية والمحلية. مره كانت تصايح عند الجوازات طفشت وهي تنتظر قاموا المسئولين عن الجوازات بإدخالنا كلنا للتخلص من صياحها وتم معاملاتنا معاملة مميزة نظرا لأنها طفلة من ذوي الاحتياجات الخاصة Those of special needs
منتدى ساركو العضو Pink Diamond
مقتبس من مدونة خاطرة لـ أحمد الشمراني